Упраўленне па адукацыі Магілёўскага гарвыканкама даводзіць да ведама, што ў 2023/2024 навучальным годзе будзе ісці набор у першы клас з беларускай мовай навучання на базе дзяржаўнай установы адукацыі “Сярэдняя школа № 1 г. Магілёва”.
Акрамя таго, працягнуць працаваць II, IV, VI і VIII класы з беларускай мовай навучання на базе дзяржаўнайустановы адукацыі “Сярэдняя школа № 34 г. Магілёва”, III, V і VII класы з беларускай мовай навучання на базе дзяржаўнай установы адукацыі “Сярэдняя школа № 1 г. Магілёва”.
Па пытаннях навучання дзяцей у гэтых класах звяртацца па тэл.: 24 95 75, 24 18 64, 24 43 66 (сярэдняя школа № 1 г. Магілёва, вул. Першамайская, 24); 24 52 29, 24 50 15, 24 52 48 (сярэдняя школа № 34 г. Магілёва, вул. Габраўская, 16).
Запрашаем усіх жадаючых у беларускамоўныя класы.
У дашкольных установах адукацыі вобласці штотыдзень праводзяцца "беларускамоўныя дні".У гэты час асаблівая ўвага надаецца папулярызацыі беларускай мовы, прапагандзе народных традыцый і абрадаў, знаёмства з выдатнымі мясцінамі сваёй краіны. У дашкольнай установе адукацыі " Дзіцячы сад №94 г. Магілёва" кожны чацвер выхавальнiкi праводзяць дзень беларускага маўлення. Заняткі па развіццю беларускага маўлення праходзяць ў форме гульні. Выхавальнiкi вучацца называць прадметы на беларускай мове, перакладаць і завучваць невялікія тэксты. Акрамя заняткаў існуюць іншыя цікавыя формы работы. Праводзіцца мастацка-моўная дзейнасць з выкарыстаннем твораў беларускай дзіцячай літаратуры. Гэта чытанне казак, вершаў, завучванне пацешак.
